1ܘܚܙܹܠܝܼ ܡܲܠܲܐܟܼܵܐ ܐَܚܹܪَܢܵܐ ܚܲܝܠܵܐ ܒܸܨܠܵܝܵܐ ܡ̣ܢ ܫܡܲܝܵܐ؛ ܕܩܛܝܼܘܵܐ ܗ݇ܘܵܐ ܥܢܵܢܵܐ؛ ܘܩܸܫܬܵܐ ܕܥܢܵܢܵܐ ܥܲܠ ܪܹܫܹܗ؛ ܘܦܵܬܹܗ ܐܲܝܟܼ ܫܸܡܫܵܐ؛ ܘܐܲܩܠܘܼ̈ܗܝ ܐܲܝܟܼ ܣܛܘܼܢܹ̈ܐ ܕܢܘܼܪܵܐ. 2ܘܐܝܼܬ ܗ݇ܘܵܐ ܠܹܗ ܒܐܝܼܕܹܗ ܟܬܵܒܼܘܿܢܵܐ ܦܬܝܼܚܵܐ؛ ܘܡܘܼܬܒܼܵܠܹܐ ܐܲܩܠܹܗ ܕܝܲܡܝܼܢܵܐ ܥܲܠ ܝܵܡܵܐ؛ ܘܗ̇ܝ ܕܣܸܡܠܵܐ ܥܲܠ ܐܲܪܥܵܐ. 3ܘܩܘܼܘܸܚܠܹܗ ܒܩܵܠܵܐ ܓܘܼܪܵܐ ܕܵܐܟܼܝܼ ܕܣܲܪܣܸܪ ܐܲܪܝܵܐ؛ ܘܟܲܕ ܩܘܼܘܸܚܠܹܗ؛ ܝܸܗܒܼܸܠܘܿܢ ܐܵܢܝܼ ܫܲܒܼܥܵܐ ܪܲܥܡܹܐ ܩܵܠܹ̈ܐ ܕܝܼܵܝ. 4ܘܟܲܕ ܝܸܗܒܼܸܠܘܿܢ ܩܵܠܵܝ ܐܵܢܝܼ ܫܲܒܼܥܵܐ ܪܲܥܡܹܐ؛ ܗܕܝܼܪܵܐ ܝܘܸܢ ܗ݇ܘܵܐ ܠܸܟܬܵܒܼܵܐ؛ ܘܫܡܸܥܠܝܼ ܩܵܠܵܐ ܡ̣ܢ ܫܡܲܝܵܐ ܒܹܐܡܵܪܵܐ؛ ܚܬܘܿܡ ܐܲܢܹܐ ܕܗܘܼܡܙܸܡܠܘܿܢ ܐܵܢܝܼ ܫܲܒܼܥܵܐ ܪܲܥܡܹܐ؛ ܘܠܐܲܢܹܐ ܠܵܐ ܟܵܬܒܸܬ. 5ܘܗ̇ܘ ܡܲܠܲܐܟܼܵܐ ܕܚܙܹܠܝܼ ܟܸܠܝܵܐ ܥܲܠ ܝܵܡܵܐ ܘܥܲܠ ܐܲܪܥܵܐ؛ ܡܘܼܪܸܡܠܹܗ ܐܝܼܕܹܗ ܠܫܡܲܝܵܐ؛ 6ܘܝܡܹܐܠܹܗ ܒܗ̇ܘ ܕܝܼܠܹܗ ܚܲܝܵܐ ܠܥܵܠܲܡ ܥܵܠܡܝܼܢ؛ ܗ̇ܘ ܕܒܪܹܠܹܐ ܠܫܡܲܝܵܐ ܘܠܐܵܢܝܼ ܕܒܝܼܵܗ̇؛ ܘܠܐܲܪܥܵܐ ܘܠܐܵܢܝܼ ܕܒܝܼܵܗ̇؛ ܘܠܝܵܡܵܐ ܘܠܐܵܢܝܼ ܕܓܵܘܵܗ̇؛ ܕܙܲܒܼܢܵܐ ܠܹܐ ܗܵܘܹܐ ܐَܚܹܪَܢܵܐ؛ 7ܐܸܠܵܐ ܒܝܵܘܡܵܢܹ̈ܐ ܕܩܵܠܹܗ ܕܡܲܠܲܐܟܼܵܐ ܕܫܲܒܼܥܵܐ؛ ܐܝܼܡܲܢ ܕܗܕܝܼܪܵܐ ܝܠܹܗ ܒܠܸܥܒܼܵܕܵܐ ܩܵܠܵܐ؛ ܦܝܵܫܵܐ ܝܠܹܗ ܬܘܼܡܸܡܵܐ ܣܸܪܹܗ ܕܐܲܠܵܗܵܐ ܐܲܝܟܼ ܕܡܘܼܫܚܸܕܠܹܐ ܠܪܹ̈ܓܵܘܵܬܘܼܗܝ؛ ܠܢܒܼ̈ܝܼܹܐ. 8ܘܗ̇ܘ ܩܵܠܵܐ ܕܫܡܸܥܠܝܼ ܡ̣ܢ ܫܡܲܝܵܐ؛ ܡܸܢَܕܪܸܫَ (ܫܡܸܥܠܝܼ) ܗܲܡܙܘܼܡܹܐ ܥܲܡܝܼ ܘܒܹܐܡܵܪܵܐ؛ ܙܹܠ݇ܐ؛ ܫܩܘܿܠ ܠܟܬܵܒܼܘܿܢܵܐ ܕܝܼܠܹܗ ܦܬܝܼܚܵܐ ܒܐܝܼܕܹܗ ܕܡܲܠܲܐܟܼܵܐ ܕܝܼܠܹܗ ܟܸܠܝܵܐ ܥܲܠ ܝܵܡܵܐ ܘܥܲܠ ܐܲܪܥܵܐ. 9ܘܐَܙܸܠܝܼ ܠܟܸܣ ܡܲܠܲܐܟܼܵܐ؛ ܟܲܕ ܐܵܡܪܸܢ ܐܸܠܹܗ ܕܝܵܗ݇ܒܼܸܠ ܠܝܼ ܠܟܬܵܒܼܘܿܢܵܐ. ܘܐَܡܝܼܪܹܗ ܐܸܠܝܼ؛ ܫܩܘܿܠ ܘܐَܟܼܘܿܠ ܠܹܗ؛ ܘܒܸܬ ܡܲܡܪܸܠ ܠܵܗ̇ ܟܹܪܣܘܼܟܼ؛ ܐܸܠܵܐ ܓܵܘ ܦܘܼܡܘܼܟܼ ܒܸܬ ܗܵܘܹܐ ܚܸܠܝܵܐ ܐܲܝܟܼ ܕܸܒܼܫܵܐ. 10ܘܫܩܸܠܝܼ ܠܟܬܵܒܼܘܿܢܵܐ ܡ̣ܢ ܐܝܼܕܹܗ ܕܡܲܠܲܐܟܼܵܐ ܘܐܟܼܸܠܝܼ؛ ܘܒܦܘܼܡܝܼ ܚܸܠܝܵܐ ܗ݇ܘܵܐ ܐܲܝܟܼ ܕܸܒܼܫܵܐ؛ ܘܟܲܕ ܐܟܼܸܠܝܼ؛ ܡܪܹܠܵܐ ܟܹܪ݇ܣܝܼ. 11ܘܐَܡܝܼܪܹܗ ܐܸܠܝܼ؛ ܘܵܓ̰ܸܒ ܝܼܠܵܗ̇ ܕܡܸܢَܕܪܸܫَ ܢܵܒܸܬ ܥܲܠ ܛܵܝܸܦܹ̈ܐ ܘܡܸܠܲܬܹ̈ܐ ܘܠܸܫܵܢܹ̈ܐ ܘܡܲܠܟܹ̈ܐ ܪܵܒܵܐ.